2025-01-28
Форекс арилжаа хийх нь амжилттай хөрөнгө оруулалт хийж ашиг орлого олох төдийгүй түүнийгээ дагасан өндөр эрсдэлтэй үйл явц юм. Үүний тулд зөвхөн техникийн мэдлэгээс гадна, стратегийн ур чадвар, сэтгэл зүй ч чухал үүрэг гүйцэтгэдэг. Анхлан суралцагч нар арилжаа хийх үед амжилттай байхын тулд дараах 5 зөвлөмжийг анхаарч үзээрэй.
Амжилттай арилжаачин бол тодорхой төлөвлөгөөтэй хүн. Арилжаагаа хийхээс өмнө эрсдлийг нь тооцож, ямар стратеги ашиглах вэ гэдгээ тодорхойлох нь чухал. Арилжааны төлөвлөгөө нь таны зорилго, ашиг олох хэмжээ, оролцох дүн, эрсдэл хүлээх хэмжээг тодорхойлно. Төлөвлөгөөгүйгээр хийсэн арилжаа бүр таны амжилтгүй арилжааны түүхийг нэмэгдүүлэх болно.
Төлөвлөгөөнд:
Эдгээр асуултанд хариулт өгөх нь таны зорилго руу илүү хурдан, зөв хүрэхэд тусална.
Анхны хөл тавьж буй арилжаачдын хамгийн том алдаа бол хэтэрхий өндөр дүнгээр эрсдэлтэй арилжаа хийх явдал юм. Форексын зах зээл нь тогтворгүй, таны гаргасан зөвхөн нэг алдаа л бүх хөрөнгийг тань үгүй хийж, та эрсдэл хүлээх болно. Иймээс эхлэх үедээ хэт их дүнгээр мөнгө оруулж эрсдлээ нэмэгдүүлэх хэрэггүй.
Нөгөө талаас та санхүүгийн эрсдэлд орж алдагдал хүлээвэл энэ нь таныг зөвхөн мөнгө санхүүгээс гадна, таны сэтгэл зүйд сөрөг нөлөө үзүүлж, дараа дараагийн шийдвэрийг буруу гаргахад хүргэх сөрөг үр дагавартай. Арилжаа хийж эхлэхдээ эхний ээлжинд демо дансаар арилжаа хийж өөртөө туршлага хуримтлуулах мөн эхлэхдээ бага дүнгээр арилжаанд оролцож хөрөнгө оруулалт хийж, алдагдлыг хүлээн зөвшөөрч сурах хэрэгтэй.
Форекс арилжаа хийх явцад сэтгэл хөдлөлөө хянах нь хамгийн чухал хүчин зүйлсийн нэг. Сэтгэл хөөрөл, айдас, уур хилэн зэрэг нь шийдвэр гаргах үед буруу сонголт хийх шалтгаан болдог. Тиймээс, арилжаагаа хийж байхдаа тодорхой нэг хэмнэлтэй байж, өөрийн төлөвлөгөөний дагуу ажиллах нь чухал.
Таны хэмнэл бол таныг "саадгүй" арилжааны урсгал руу оруулж, хэт яарсан болон уурласан үедээ эдийн засгийн алдагдалд орох эрсдэлийг багасгана. Мөн ямар нэгэн өндөр хэмжээний ашиг, эсвэл алдагдал олсон үед сэтгэл хөдлөлөө хянах нь үр дүнтэй байх болно.
Форекс бол хялбар биш, харин туршлага, мэдлэг шаардсан зах зээл юм. Үүнтэй холбоотойгоор, бусад арилжаачидтай санал бодлоо солилцох нь үнэтэй зөвлөмж авах, болон шинэ санаануудыг олох нэгэн сайн арга юм. Форексын олон нийтийн форумууд, фэйсбүүк бүлгүүд болон блогуудаар мэдээлэл, туршлага солилцох нь таны амжилтын хувь хэмжээг нэмэгдүүлэх боломжтой.
Бусдаас суралцах нь зөвхөн хожиж байгаа стратегиудыг ойлгоход туслах төдийгүй, алдагдлыг хэрхэн даван туулах, өөрийн түүхийг бусдад хэрхэн хуваалцахыг ч ойлгоход тустай байдаг.
Форекс арилжаанд хожих боломжтой, гэхдээ хожигдох магадлал ч бий. Тиймээс, алдагдлыг хүлээн зөвшөөрч сурах нь амжилттай арилжаачны нэг чухал онцлог юм. Хэрвээ та өөрийн хийгдсэн алдааг ойлгож, дараагийн удаад зөв арга хэмжээ авч чадвал, алдагдал нь суралцах боломж болж хувирна.
Алдагдлыг зөв хүлээн зөвшөөрөх нь таны сэтгэл зүйд сөрөг нөлөө үзүүлэхгүй, харин илүү сайн шийдвэр гаргахад туслах болно. Арилжаа бол нэгэн төрлийн урлаг бөгөөд түүнд алдаа гаргах нь ердийн зүйл. Гэхдээ алдагдлыг хэрхэн даван туулах нь чухал.
Эдгээр 5 зөвлөмжийг өөрийн арилжааны практик дээр хэрэгжүүлснээр, та зөв замаар алхаж, форекс арилжааны зах зээлд амжилттай орж чадна. Арилжааг зөв хэмнэлтэй, зорилготой хийснээр таны амжилт үргэлж өсөх боломжтой!
